يا بو هادي ولع النار و اسمع و يش أقول
كل ما غنيت لـي بيـت غنـه واكتبـه
فيه حاجة قد لها أيام في صـدري تجـول
كنها تآكـل عظامـي و دمـي تشربـه
انهبـل معهـا و كـن مانـي بمهـبـول
بين حين و حين أهوجس و اسرح و انتبه
و من نشدني قلت حملي ما هو مثل الحمول
يملـك الرجـال ملكـه لدقنـه و شنبـه
لو نشدت أهل التجارب رزينيـن العقـول
قالوا المعـروف مالـه حلـي ولا شبـه
ما ملكني غير معروف زحل ٍ مـن زحـول
الكريم اللـي مزايـاه مـن ربـي هبـه
مدته و بل ٍ مـن الغيـث دهّـاج السيـول
اطيب المدات و أغلى الهدايا و اصعبـه
ذاك حثلان السبيعـي و اكررهـا و أقـول
متعب الأبطال راعـي الفعـول المتعبـه
انجرح ظهر الجمل و انحنى رأس الذلـول
و الهبايب نودها صلف و القـاع حدبـه
و انتهى وقت الحكي و ابتدا وقت الفعـول
لد عينك يم حثـلان و انخـه و اندبـه
لين توحي في دماغـه مثـل دف الطبـول
صامل الفزعات شبـاب نـاره بحطبـه
نسل فرسان المعارك على سروج الخيـول
اهل التومان و أهل السيـوف المذهبـه
حزة ٍ فيها الـردي لا يقـول و لا يطـول
و الشجاع اللي بفوزه يفـوزون عربـه
ما ذكرت الا الحقايق على حسب الأصـول
فيك يا حثلان راعـي الفعـول المتعبـه
ديوان الشاعر سلطان الهاجري
]
رد: ديـوان الشاعر سلطـان الـهـاجري
